قُلۡ فَاۡتُوۡا بِکِتٰبٍ مِّنۡ عِنۡدِ اللّٰہِ ہُوَ اَہۡدٰی مِنۡہُمَاۤ اَتَّبِعۡہُ اِنۡ کُنۡتُمۡ صٰدِقِیۡنَ﴿۴۹﴾

۴۹۔ کہدیجئے: پس اگر تم سچے ہو تو تم بھی اللہ کی طرف سے کوئی ایسی کتاب لے آؤ جو ان دونوں سے زیادہ ہدایت بخش ہو، میں اس کی اتباع کروں گا۔

تفسیر آیات

اگر اس قرآن اور توریت میں کسی نقص کی وجہ سے تم ان پر ایمان نہیں لائے تو تم خود ایک ایسی کتاب پیش کرو جو ان دونوں سے زیادہ ہدایت کے لیے مؤثر ہو۔ مشرکین اللہ کے وجود کو تو مانتے تھے مگر توریت و قرآن کو نہیں مانتے تھے۔ اس بنیاد پر فرمایا: اگر توریت و قرآن کو نہیں مانتے ہو تو کوئی ایسی کتاب پیش کرو جو ان دونوں سے زیادہ ہدایت بخشنے والی ہو۔