وَ قَالَ مُوۡسٰی رَبِّیۡۤ اَعۡلَمُ بِمَنۡ جَآءَ بِالۡہُدٰی مِنۡ عِنۡدِہٖ وَ مَنۡ تَکُوۡنُ لَہٗ عَاقِبَۃُ الدَّارِ ؕ اِنَّہٗ لَا یُفۡلِحُ الظّٰلِمُوۡنَ﴿۳۷﴾

۳۷۔ اور موسیٰ نے کہا: میرا رب اسے جانتا ہے جو اس کے پاس سے ہدایت لے کر آیا ہے اور یہ بھی جانتا ہے کہ آخرت کا گھر کس کے لیے ہے، بے شک ظالم فلاح نہیں پاتے۔

تفسیر آیات

۱۔ جواب میں حضرت موسیٰ علیہ السلام فرماتے ہیں: رَبِّیۡۤ اَعۡلَمُ بِمَنۡ جَآءَ بِالۡہُدٰی میرے مالک جانتا ہے ہے کہ کون اس کے پاس سے ہدایت لے کر آیا ہے اور میرا مالک یہ بھی جانتا ہے کہ انجام کس کا کیا ہو گیا۔ اگر میں جھوٹا ہوں تو میرا انجام برا ہو گا چونکہ اس صورت میں، میں ظالم ہوں اور ظالم فلاح نہیں پاتے اور اگر تم ظالم ہو تو تمہارا انجام برا ہو گا اور تمہیں کامیابی حاصل نہ ہو گی۔