فَاتَّقُوا اللّٰہَ وَ اَطِیۡعُوۡنِ﴿۱۵۰﴾ۚ

۱۵۰۔ پس اللہ سے ڈرو اور میری اطاعت کرو۔

وَ لَا تُطِیۡعُوۡۤا اَمۡرَ الۡمُسۡرِفِیۡنَ﴿۱۵۱﴾ۙ

۱۵۱۔ اور حد سے تجاوز کرنے والوں کے حکم کی اطاعت نہ کرو۔

الَّذِیۡنَ یُفۡسِدُوۡنَ فِی الۡاَرۡضِ وَ لَا یُصۡلِحُوۡنَ﴿۱۵۲﴾

۱۵۲۔ جو زمین میں فساد پھیلاتے ہیں اور اصلاح نہیں کرتے۔

تفسیر آیات

جب تمہیں اس عیش و آرام کی حالت میں نہیں رکھا جائے گا اور ایک دن تمہیں یہ باغات و اشجار چھوڑ کر جانا ہیں تو اس کا ایک حل پیش کرتا ہوں کہ میری اطاعت کرو اور اسراف پسند لوگوں کی اطاعت چھوڑ دو تو تمہیں دنیا کے باغات و چشموں سے جدائی کی حسرت نہ ہو گی چونکہ آخرت کی ابدی زندگی ان چیزوں سے بدرجہا بہتر ہے۔

اَمۡرَ الۡمُسۡرِفِیۡنَ: امر سے مراد خودامر کرنے والا ہے اور مسرفین سے مراد حد سے تجاوز کرنے والے ہیں۔ چنانچہ بعد کی آیت میں مسرفین کی تشریح مفسدین سے کی ہے۔