وَ اتۡرُکِ الۡبَحۡرَ رَہۡوًا ؕ اِنَّہُمۡ جُنۡدٌ مُّغۡرَقُوۡنَ﴿۲۴﴾

۲۴۔ اور سمندر کو شگافتہ چھوڑ دیجئے ان کے لشکری یقینا غرق ہونے والے ہیں۔

تشریح کلمات

رَہۡوًا:

( ر ھ و ) الرھو کے معنی ساکن کے ہیں۔ بعض نے کہا ہے: اس سے راستہ کی کشادگی مراد ہے۔

تفسیر آیات

دریا کے اس شگاف کو اپنے عصا کے ذریعے دوبارہ پہلی حالت میں لانے کی کوشش نہ کرنا۔ جیسے شگاف کی حالت ہے اسی حالت پر چھوڑے رکھنا۔ فرعون اور اس کے لشکر کے اس راستے سے داخل ہونے کے بعد دریا پہلی حالت میں آ جائے گا اور فرعون اپنے لشکر سمیت غرق ہو جائے گا۔