اَمۡ اَنۡزَلۡنَا عَلَیۡہِمۡ سُلۡطٰنًا فَہُوَ یَتَکَلَّمُ بِمَا کَانُوۡا بِہٖ یُشۡرِکُوۡنَ﴿۳۵﴾

۳۵۔ کیا ہم نے ان پر کوئی ایسی دلیل نازل کی ہے جو اس شرک کی شہادت دے جو یہ لوگ کر رہے ہیں۔

تفسیر آیات

۱۔ سلطان سے مراد دلیل ہے کہ کیا ہم نے ان مشرکین پر کوئی دلیل نازل کی ہے کہ وہ اپنے شرک کے لیے اس دلیل کو پیش کریں۔ دلیل کا واحد مصدر اللہ تعالیٰ کی ذات ہے۔ یہ بات اللہ تعالیٰ کی حاکمیت اعلیٰ سے مربوط ہے۔ اللہ کی طرف سے سند کے بغیر خود کوئی حکم صادر کرتا ہے تو یہ اللہ کی حاکمیت اعلیٰ میں مداخلت ہے۔