32۔ کچھ ایسے افراد نے رسول اللہ ﷺ کے سامنے اللہ سے محبت کا دعویٰ کیا جو اللہ کے احکام کی تعمیل میں کوتاہی کرتے تھے۔ ان کے بارے میں یہ آیت نازل ہوئی۔ محبت امر قلبی ہے اور قلب حقیقت پرست ہوتا ہے، جس پر حقیقت کے سوا کوئی اور چیز کارگر نہیں ہو سکتی۔ چنانچہ دین بھی عقیدے سے عبارت ہے اور عقیدہ امر قلبی ہے جس پر جبر و اکراہ کارگر نہیں ہو سکتا: لَاۤ اِکۡرَاہَ فِی الدِّیۡنِ (2 بقرۃ : 256) کی طرح کہا جا سکتا ہے کہ لَاۤ اِکۡرَاہَ فِی الْحُب ۔