35۔ کَذٰلِکَ نَجۡزِیۡ مَنۡ شَکَرَ : شکر گزاری اور قدردانی ایک ایسا قابل ستائش اخلاق ہے جسے اللہ بہت پسند فرماتا ہے اور خود اللہ تعالیٰ کو بھی اس صفت سے متصف کیا جاتا ہے۔ اِنَّ اللّٰہَ غَفُوۡرٌ شَکُوۡرٌ (شوری:23) وہ معاف کرنے والا قدردان ہے۔ یہ ایک بہت بلند مرتبہ اخلاق ہے۔ اس لیے اس مرتبے پر بہت کم لوگ فائز ہوتے ہیں: وَ قَلِیۡلٌ مِّنۡ عِبَادِیَ الشَّکُوۡرُ ۔ (سبا:13) میرے بندوں میں کم لوگ شکر گزار ہیں۔