89۔ ستاروں کی طرف ایک نگاہ کرکے فرمایا: میں مریض ہوں۔ قوم کے سالانہ میلے میں عدم شرکت کے لیے یہ عذر پیش فرمایا۔ ستاروں کی طرف دیکھنے کا مقصد قرآن نے بیان نہیں فرمایا۔ تاہم ستارہ پرستوں کا یہ گمان عام تھا کہ بیماری کسی ستارے کے طلوع سے مربوط ہوتی ہے۔ رہا یہ فرمانا کہ میں مریض ہوں تو اس بات پر کوئی دلیل قائم نہیں ہے کہ آپ مریض نہ تھے۔ عین ممکن ہے کہ میلے کے وقت آپ علیہ السلام کی طبیعت ناساز ہو۔ لہٰذا یہ کہنا کہ حضرت ابراہیم علیہ السلام نے یہاں مصلحتاً جھوٹ بولا، بلا دلیل بات ہے۔