47۔ جو صلہ میں نے تم سے مانگا ہے وہ خود تمہارے لیے ہے۔ اس سے ایک تو یہ مطلب واضح ہوا کہ حضور ﷺ نے امت سے اجر رسالت طلب فرمایا ہے۔ دوسرا یہ کہ اس اجر میں رسول اللہ ﷺ کا ذاتی مفاد نہیں ہے، بلکہ خود امت کا مفاد ہے۔ جبکہ جو اجر رسول اللہ ﷺ کے لیے ہے، وہ اللہ تعالیٰ کے پاس ہے۔ اس وضاحت سے رسول اللہ ﷺ کی طرف سے اجر رسالت طلب کرنا ثابت ہوا جو اِنۡ اَجۡرِیَ اِلَّا عَلَی اللّٰہِ (یونس: 72) میرا اجر تو صرف اللہ کے ذمے ہے، کے منافی بھی نہیں ہے۔