37۔ 38 امکان کی نفی ہے یعنی ممکن ہی نہیں کہ یہ قرآن غیراللہ کی طرف سے ہو۔ اس پر خود قرآن شاہد ہے جو سب کے سامنے ہے۔

ہٰذَا الۡقُرۡاٰنُ : اس قرآن کا کائناتی تصور، اس کے ملکوتی معانی اور ماورائے طبیعی موضوعات، الٰہیاتی حقائق پھر انسانوں کے درمیان زیر استعمال حروف و جملوں کی حدود میں رہ کر ایک اسلوب بیان کے اندر سمو دینا، ایک ناخواندہ ماحول میں پیدا ہونے والا فرد تو کیا تمام جن و انس مل کر بھی ایسا کلام پیش نہیں کر سکتے۔ اس جگہ ابوجہل کا اعتراف قابل ذکر ہے۔ وہ کہتا ہے: محمد ﷺ نے کسی انسان پر افترا نہیں باندھا تو وہ اللہ پر کیسے افترا باندھیں گے۔